دمشق۔ 16اپریل (اے پی پی) شام اٹی مروک آ خود کش جلہو اٹی تپاخت کروک آتا کچ ودسا 118 مس۔ ارنارپورٹ نا رداٹ حلب انا دامون ایمون اٹی واقع الراشد ین علاقہ ٹی خود کش بمب دھماکہ نا زمواری ئِ احرارالشام پنی ئُ دہشت گرد رڑاس امنا کرینے۔ تدوک آ دے ہراوین نا کمک اٹ دھماکہ کننگا بظاہر اوٹی پناہ گزین چناتے کن غذائی گڑا امداد مسوسس۔ دا بمب دھماکہ الفوعہ و کفریا خلق آتا خلقت ئِ دروک آ بس آتا خڑک آ مسنے۔ دا جلہو اٹی داوخت اسکان 118 بندغ تپاخت و 224 ٹھپی مسنو ہرافتیان چندی تا حالیت نازرک پاننگ انگ ئِ۔ تپاخت کروک آ بندغ آتیٹی 40آن زیات چناہم اوار ئُ۔ دھماکہ نا دمدستی پد افراتفری اس تالان مس و دھماکہ ہنداخہ در ترند ئس کہ اوڑآن چندی بس آک پورو وڑاٹ بھس مسر۔
