اقوام متحدہ۔ 16 اپریل (اے پی پی) اقوام متحدہ نا سیکرٹری جنرل انٹونیو گوٹر یس لیبیا نا گیشتر علاقہ غاتیا دہشت گرد داعش نا تسلط و دا رڑانا کوزہ ٹی علاقہ غاتا ابتر حالیت آتیا گڑتی نا درشانی ئِ کرینے۔ ذرائع ابلاغ نا رداٹ اقوام متحدہ نا سیکرٹری جنرل انٹو نیو گوٹریش اسہ بیان اسے ٹی لیبیا ٹی غیر یخینی سیاسی حالیت و جنگ اٹی شدت آ گڑتی نا درشانی ئِ کرینے۔ تینا بیان اٹی اوپارے کہ دانا باوجود کہ گڑاس علاقہ غاتیا داعش دہشت گرد رڑ انا تسلط اف ولے دا علاقہ غاتیٹی ہم د ا گروہ نا عنصر آک سرگرم عمل ئُ و او لیبیا نا چندی علاقہ غاتیٹی مروک آ چرجوئی وار جلہو آتا زموار ئُ۔ یات سلے کہ شام و اعراق آن پد لیبیا مسٹمیکو ہمو ملک ئِ ہراڑے داعش دہشت گرد پوروی وڑاٹ سرگرم ئِ۔

متعلقہ مضامینمصنف کی طرف سے مزید