سرینگر۔ 16اپریل (اے پی پی) مقبوضہ کشمیر اٹی بھارتی بارڈر سیکورٹی فورس (بی ایس ایف) نا کارندہ غاک ہفتہ نا شام سرینگر اٹی اسہ ورناسے نا کاٹم اٹ سم اس خلسا اودے شہید کریر۔ کشمیر میڈیا سروس نا رداٹ عینی شاہدی تا پاننگ ئس کہ ہفتہ نا شام آ بھارتی بارڈر سیکورٹی فورس انا چندی گاڈیک سرینگر نا علاقہ بٹہ نا شیخ داﺅد کالونی ٹی اناگت پترینگار ہرافتے ٹی سوار کارندہ غاک اندھادھند سم کاری نا بنائِ کریر۔ داٹی اسہ سم اس سجاد حسین شیخ پنی ئُ بندغ اسے نا کاٹم اٹی لگا۔ اودے دمدستی وڑاٹ ہسپتال آ سرکننگا ولے او کسر اٹی دنیا ئِ الا۔ ورنانا شہیدی نا خبر تالان مننگ تون بٹہ مالو و ایب و کیب نا علاقہ غاتیٹی حالیت آک کشیدہ مسر و خلقت برانز کن روڈ آتیا پیش تمار۔ اوآجوئی نا حق اٹی و بھارت نا برخلاف نعرہ خلکر۔ بھارتی فورس آتا کارندہ غاک مچی کروک آتے منتشر کننگ کن واک ئِ وحشیانہ کاریم اٹ ایسور ۔ سجاد حسین شیخ چندوسہ ٹنگمرک نا ہنکینی پاننگ انگ ئِ۔
