اسلام آباد۔ 02 فروری (اے پی پی) بنجائی وزیر تعلیم، کسبی تربیت، قومی میرات و دودوربیدگ شفقت محمود نا کماشی ٹی کابینہ کمیٹی ادارہ جاتی اصلاحات (سی سی آئی آر) نا دیوان کابینہ ڈویژن اٹی مس۔ پریس ریلیز نا رداٹ چارشنبے نادے آ مروک آ دیوان اٹی بنجائی وزیر نیشنل فوڈ اینڈ سیکورٹی اینڈ ریسرچ سید فخر امام، بنجائی وزیر بین الصوبائی رابطہ ڈاکٹر فہمیدہ مرزا و اسٹیبلشمنٹ نا ایس اے پی ایم محمد شہزاد ارباب ئسک ہم ساڑی ئسر۔ کامرس ڈویژن ایکسپورٹ ڈویلپمنٹ فنڈ(ای ڈی ایف) نا بابت کمیٹی ءِ اسہ پریزنٹیشن تس ہرا پارلیمنٹ نا اسہ ایکٹ(ای ڈی ایف ایکٹ1999) نا کمک اٹ ٹہیفنگاسس و داایکٹ نا رداٹ ای ڈی ایف نا انتظام بورڈ آف ایڈمنسٹریٹرز نا کمک اٹ کننگک، ہنداخاطرآن سی سی آئی آر دادے وتواجہ ادارہ نا حیثیت تننگ کن نوٹیفکیشن جاری کننگ نا پارت کرے ۔ سی سی آئی آر دا سرحال آ کابینہ ڈویژن نا سلاہ ءِ ہلنگ آن پد ، کامرس ڈویژن ءِ پارت کرے کہ او سی سی آئی آر ءِ سمری اس گدریفےو اودے پک کننگ آن پد ، ای ڈی ایف ءِ وتواجہ ادارہ سے نا وڑاٹ نوٹیفکیشن کننگک۔ پٹرولیم ڈویژن کمیٹی آن خواست کرے کہ او سینڈک میٹل لمیٹڈ آ کمیٹی نا 2019 نا فیصلہ غا نظرثانی کے تانکہ اودے صوبہ غاتے گدریفوک آ ادارہ غاتا لڑاٹ اوار کننگپ۔ پٹرولیم ڈویژن نا موقف ئس کہ ایس ایم ایل اسہ پبلک سیکٹر کارپوریٹ ادارہ اسے ہرا پورو وڑاٹ جی او پی نا ملکیت ءِ و دا ڈٹ بنائی ریسہ غاتیان واپاری پیدوار نا ریسہ اسکان بنجائی حکومت نا کنڈآن 29 بلین آن زیات نا فنڈنگ آن تیار کننگاسس وخت اس کہ حکومت بلوچستان دانا وصولی کن تیار افک۔ پلاننگ کمیشن نا موقف ئسک کہ بنجائی حکومت کمپنی اسے نا مالک مننگ کپک۔ داڑآ فیصلہ پین غوروخوض کن موخر کننگا۔ پاکستان ریلویز کمیٹی ءِ ریلوائی اسٹیٹ ڈویلپمنٹ اینڈ مینجمنٹ کمپنی نا بارواٹ پارے ہراکہ ریلوائی ڈویژن نا پبلک سیکٹر کمپنی ءِ۔ کمیٹی غور کرے کہ آیا ریلوائی نا اسہ لکھ شت ءُ ہشت ہزار ایکڑ ڈغار نا بست و بند ریڈیمکو تون مرے یا اودے بنجائی حکومت نا کنڈآن غٹ ریاستی ڈغار و جائیداد آتا بست وبند کن جوڑ کروک اتھارٹی ءِ بایدے گدریفنگے۔ ریاست نا ڈغار و اونا واپاری کاریم اٹ اتنگ نا بارواٹ سپریم کورٹ نا فیصلہ نا ہم کمیٹی جاچ ءِ ہلک۔ سی سی آئی آر فیصلہ اس کننگ آن مست دسا باندات آ وزارت کانود و پاکستان ریلوائی نا نیام اٹ پین سلابت کن اِراہفتہ نا وخت تس۔
