داعش ئِ زمینئِ چیرئَ سُپ آنی کمپلیکس تباھ بوتگ، ھچ شہری بیران نہ بوتگ، اوگان دیمپانی وزارت
جلال آباد۔14اپریل ( اے پی پی) اوگا ن حکام ئَ گشتگ کہ پنچ شمبےئِ روچئَ صوبہ ننگرہار ئَ دور داتگیں امریکی ” مدر آف آل بمز“ ئَ چہ 36شکیگیں جنگول جنگ بوتگ اَنتءُ داعشئِ زمینئِ چیرئَ سُپ آنی کمپلیکس تباب بوتگ۔ اوگان دیمپانی وزارت ئِ نیمگئَ چہ جاری کتگیں بیانئِ تہا گشگ بوتگ کہ امریکی اُرش ئَ ھچ شہری بیران نہ بوتگ۔ اُرش ئِ تہا وج کتگیں داعش ئِ کمپلیکس ئَ ھوار سُپ سک باز جُہل بوتگ اَنت ءُ ایشانی تہا داعشئِ جنگولانی ٹھکانگ بوتگ اَنت۔ زانگ بہ بیت کہ جی بی یو ۔43بی نامی بمب اوگانستان ئِ ھند ی وھدئِ ردئَ پنچ شمبےئِ روچئَ بیگاھ ئِ 7بج ءُ 32ملنٹ ئَ پاکستانی سیمسر ئِ نزیک ئَ صوبہ ننگرہارئِ ضلع آچینئَ دور دیئگ بوتگ۔10ہزار سیر وزنی اے بمبئِ تراک 11ٹن این ٹی ئِ کچ اِنت۔
