اسلام آباد۔ 12اپریل (اے پی پی) ٹریڈ ڈویلپمنٹ اتھارٹی آف پاکستان (ٹی ڈی اے پی) آسٹریلیا ٹی اڈ ہلوک آ جہانی واپاری نمائش”فائن فوڈ“ اٹی بشخ ہلنگ کن 2مئی 2017 ءاسکان درخواست آتے طلب کرینے۔ ادارہ نا جاری سرجم احوال آتارداٹ جہانی واپاری میلہ ٹی برنج، شاد، اِلار ، سی فوڈ، کیٹرنگ، کٹلری نا مصنوعات ، مصالحہ، دال، بارُن ئُ میوہ، فروزن و تیار مصنوعات ، ڈیری، خوائے ، ڈبہ بند خور و آرگینک مصنوعات تیار و برآمد کروک آادارہ غاک بشخ ہلنگ نا کمک اٹ تینا مصنوعات نا نمائش و جہانی ہلوک آتیان کاروباری معاملہ غاتے طے کننگ کیرہ۔ چاردے ئی جہانی واپاری نمائش 11آن 14ستمبر 2017 ءآ اڈ ہلیک۔ دا بابت مستی سرجم احوال اتھارٹی نا ویب سائٹ آن ہم ہلنگ مریک۔
