اسلام آباد۔ 01 دسمبر (اے پی پی) بنجائی وزیر حوالکاری چوہدری فواد حسین پارینے کہ پیپلزپارٹی نا تدوک آ دے سندھ آن پیشن پیش تمسا پشاور اٹی جلسہ کننگ ستاکڑزک، ن لیگ ہم نیامی پنجاب آن بایدے پیشن پیش تمے، پاکستان ءِ بنجائی جماعت آتا گرج ءِ۔ داجماعت آتا سرکڑدہ ئی بدبختی اٹ بھاز کہولی ءِ و اوفتے تون ہچ ءُ ایجنڈا اس ہم اف۔ علاقائی و شدت پسند سیاست ہموتم آ چٹک ہراتم قومی سیاست مریک۔ چارشنبے نادے آ تینا ٹویٹ اٹی اوپارے کہ داہیت ءِ ہم یات تخر سرسہبی بیرہ تنقید اٹ ملنگ کپک، اسہ گیگ بدل ایجنڈا اس ہم مریک تو مخلوق متوجہ مریک۔ چوہدری فواد حسین پارے کہ ہڑتوم آجماعت آتا سرکڑدہ غاک حکومت ءِ اینک کننگ نا است خواہی نا جاگہ غا تینا نت تیا سلنگ ءِ ہیل کیر، ہڑتوم آ جماعت آک قومی کہول آ اصلاحات کن ہم سلاہ ایتر۔
