اسلام آباد۔6ستمبر (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ مصر ءِ درئی کارانی وزیر بدر عبدالعاطی ءَ گوں ٹیلی فون ءِ سرا گپ ءُ تران کت ایشی ءِ تہ ءَ وت مہ وتی سیادی ءُ دمگی ءُ میاں اوستمانی جاور آنی بابت ءَ گپ ءُ تران کت۔ یک شمبے ءِ روچ ءَ دری کارانی وزارت ءِ نیمگ ءَ جاڑی بوتگیں بیان ءِ …
نائب مزن وزیر ءُ درئی کارانی وزیر سینیٹر محمد اسحاق ڈار ءَ مصر ءِ درئی کارانی وزیر بدر عبدالعاطی ءَ گوں ٹیلی فون ءِ سرا گپ ءُ تران
گیشتریں ھال
اسلام آباد۔6ستمبر (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ مصر ءِ درئی کارانی وزیر بدر عبدالعاطی ءَ گوں ٹیلی فون ءِ سرا گپ ءُ تران کت ایشی ءِ تہ ءَ وت مہ وتی سیادی ءُ دمگی ءُ میاں اوستمانی جاور آنی بابت ءَ گپ ءُ تران کت۔ یک شمبے ءِ روچ ءَ دری کارانی وزارت ءِ نیمگ ءَ جاڑی بوتگیں بیان ءِ رد ءَ دوئیں راہشون آں پاکستان ءُ مصر ءِ نیام ءَ دو نیمگی سیادی آنی سر ءَ ھیال ریچی کتگ ءُ دمگی ءُ میاں اوستمانی جاورھال آنی سر ءَ وتی ھیال آنی درشان کتگ۔ مصر ءِ درئی کارانی وزیر بدر عبدالعتی ءَ نائب مزن وزیر ءُ درئی کارانی وزیر ءَ را ھم وتی زوتیں آسراتی ءِ وھد ءَ مصر ءِ تر ءُ تاب ءِ دعوت داتگ۔ دوئیں رہشوناں دو نیمگی سیادی ءَ را گیش مھکم کنگ ءِ واستہ وتی جزم ءِ پدر کنگ ءُ دمگی سلامتی ءِ ھوالگ ءَ جیڈھ آنی سر ءَ وت مہ وتی رابطہ ءُ ھوار بوھگ ءِ برجاہ دارگ ءِ سر ءَ تپاک کتگ۔ دوئیں درئی کارانی وزیراں اقوام متحدہ ءِ جنرل اسمبلی ءِ دیوان ءِ درگت ءَ گند ءُ نند کنگ ءِ سر ءَ ھم تپاک کتگ۔
