اسلام آباد۔ 30 نومبر (اے پی پی) اینٹی نارکوٹکس فورس انٹیلی جنس اوغانستان آن پاکستان منشیات اسمگلنگ کننگ نا کوشست ءِ بے سہب کرسا ٹرک انا اودیم خانہ غاتے ٹی ڈکھوک 457 کلوگرام چرس دوئی کرے۔ اے این ایف ترجمان نا رداٹ اونا انٹیلی جنس ونگ کوہاٹ فورس اتون اسیجائی کارروائی ٹی لاچی ٹول پلازہ کوہاٹ نا خڑک ہینو ٹرک آن جم وڑاٹ 457،200 کلوگرام چرس دوئی کرے، دوئی مروک چرس آتے ٹرک انا پدانا بشخ انا فرش اٹی جوڑ کروک اودیم خانہ غاتے ٹی ڈکھنگاسس۔ اونا پاننگ ئس کہ ٹرک آن 1200 گرام چرس انا کل 381 پیکٹ دوئی مس، کارروائی ٹی اورکزئی نا ہنکینی انشاد علی پنی ءُ دوبہ دار اسے دزگیر کننگا۔ ترجمان نا رداٹ بنائی حوال آتا رداٹ منشیات اوغانستان آن پاکستان اسمگل کننگاسس، دزگیر دوبہ دار نا برخلاف انسداد منشیات ایکٹ نا رداٹ مقدمہ درج کرسا مستی جاست وپاست نا بناءِ کننگانے۔

متعلقہ مضامینمصنف کی طرف سے مزید