فیفا بیچ سوکر ورلڈ کپ 27 اپریل ئَ چہ بندات بوھگ ئَ اِنت
ناسا۔ 10 اپریل (اے پی پی) فیفا بیچ سوکر ورلڈ کپ 27 اپریل ئَ چہ 7 مئی ئَ تاں بھاماس ئَ لیب دارگ بیت۔ فیفا ئِ نیمگ ئَ چہ جاڑی بوتگیں ھال آنی رد ئَ ٹورنامنٹ ئَ 16ملک آنی ٹیمب بھر زوری کن اَنت ایشاناں چار گروپ آنی تہ ئَ بھر کنگ بوتگ۔ گروپ اے ئِ تہ ئَ بھاماس، سوئٹزرلینڈ، ایکواڈور، سینیگال، گروپ بی ئَ نائجیریا، اٹلی، ایران ئُُ میکسیکو، گروپ سی ئَ متحدہ عرب امارات، پیراگوائے، پرتگال ئُُ پانامہ وھدیکہ گروپ ڈی ئَ برازیل، تاہیٹی، جاپان ئُُ پولینڈ ھوار اَنت، پرتگال ئِ ٹیمب ٹائٹل ئِ دیمپانی ئَ کن اَنت وھدیکہ برازیل ئَ را دُرستاں چہ زیات چار ٹائٹل کٹگ ئِ شرپ گون اِنت۔
