اسلام آباد۔ 29 نومبر (اے پی پی) وزیراعظم عمران خان اینو(دوشنبے نادے آ) القادر یونیورسٹی نا اکیڈمک بلاکس نا بناءِ کیک۔ وزیراعظم آفس نا میڈیا ونگ آن جاری بیان نا رداٹ القادر یونیورسٹی طالب علم آتے کن پوسکن وڑآ اسلامی تعلیمات، تصوف و پوسکن آ سائنسی علم آ پٹ وپول نا جہانی آب انا آسراتی فراوان کیک۔ القادر یونیورسٹی نا تعلیمی پروگرام اٹ طالب علم آتیٹی سیرت طیبہ ءِ مون آ تخسا قائدانہ لائخی ، کڑد سازی و تربیت آخاص چکار تننگک۔ یونیورسٹی نا اکیڈمک بلاک نا ساڑی آ کچ 500 طالب علم ءُ ہرافتے مرحلہ وار ودفنگک۔ وزیراعظم داوخت آ کیمپس نا دورہ ءِ کیک، استاد و طالب علم آتون اوڑدہی و دود آن تران ہم کیک۔

متعلقہ مضامینمصنف کی طرف سے مزید