اسلام آباد۔ 29 نومبر (اے پی پی) اسپیکر قومی اسمبلی اسد قیصر و ڈپٹی اسپیکر قاسم خان سوری ئسک ہڑدے ئی ڈان نا مسکوہی ایڈیٹر و سینئر صحافی ضیاء الدین نا کزیت آ است ہسونی نا درشانی ءِ کرینو۔ دوشنبے نادے آ تینا جتا جتا ہڑزخواہی کلہو اٹی اوفک ایماندار نا صحافتی خذمت آتیا خراج عقیدت پیش کریر و پاریر کہ ایماندار ناکزیت پدسلوک آ خاہوت کن ناقابل تلافی نسخان و بھلو صدمہ اسے۔ غم و ڈکھیانا داساہت اٹ پدسلوک آ خاہوت تون ہڑزخواہی کینہ۔ اوفک پاریر کہ ایماندار نا صحافت نا بشخ اکن پیش کروک آ خذمت آتے مدام یات تخنگک۔ اسپیکر و ڈپٹی اسپیکر اللہ تعالیٰ آن ایماندار نا درجہ غاتا بڑزی و خاہوت ءِ دا ناقابل تلافی نسخان ءِ سگنگ کن صبر وجمیل نا دعا کریر۔
