اسلام آباد۔ 29 نومبر (اے پی پی) اینخو مالی سال جولائی آن اکتوبر انفارمیشن ٹیکنالوجی (آئی ٹی) نا بشخ انا ملکی برآمد آتے ٹی 39.26 درسد ودکی مسنے۔ وزارت آئی ٹی و ٹیلی کمیونیکیشن نا رپورٹ نا رداٹ برجامالی سال اٹی اولیکو چار تُو اٹی آئی ٹی نا برآمد آتا کچ 830 ملین ڈالر اسکان ودا تدوک آ مالی سال اٹی جولائی آن اکتوبر 2020شعبہ نا برآمد آتیان 596ملین ڈالر نا زرمبادلہ کٹیا کننگاسس۔ ہنداوڑ تدوک آ مالی سال انا مقابلہ ٹی اینخو مالی سال انا بنائی چار تُو اٹی آئی ٹی نا بشخ انا قومی برآمد آتا کچ اٹی 234 ملین ڈالر یعنی 39 درسد آن زیات نا نمان ودکی ریکارڈ کننگانے۔
