اشک آباد ۔28نومبر (اے پی پی):صدر مملکت ڈاکٹر عارف علوی ءَ گوشت کہ اسلامو فوبیا یک ٹوھیں جیڈھ ات ، اسلامی ملک اسلامو فوبیا ءِ گر ءُ دار ءِ واستہ گامگیج بکن انت، گلوبل وارمنگ یک ٹوھیں جیڈھ ات ، گرمی ءِ گر ءُ دار ءِ واستہ دیمروئی کنوکیں ملک آناں وتی کرد ءَ را پیلو بکن انت، اوگانستان ءَ 40 سال ءِ جنگ ءِ گوما دیم پہ دیمی کتگ، اوگانستان ءَ ایمنی ءُ برجائی ٹوھیں سک باز المی انت، اوگانستان ءَ ایمنی ءُ برجائی ءِ واستہ امت مسلمہ ءَ را یکجائی کار کنگ ءِ ضلورت انت، پاکستان 35 لکھ اوگان لڈ ءُ بار کنوک آنی میزبانی ءَ کنلگ ءَ انت۔ سرجمیں دگنیا ءِ معیشت کورونا ھوپ ءِ سبب ءَ آماچ بوتگ۔ کویڈ 19- ءِ ھوپ ءِ سبب ءَ میاں اوستمانی تک ءَ گران بھائی بوتگ۔ صدر ءِ مملکت ڈاکٹر عارف علوی ءَ یک شمبے ءِ روچ ءَ اشک آباد ءَ اقتصادی کمکی گل (ای سی او) ءِ 15 پانزدھمی دیوان ءَ گوں گشتانک دیان ءَ کت۔ آئی ءَ گوشت کہ تجارتی ءُ اقتصادی روگ آیگ وھد ءِ ضلورت انت۔ ایکو ءِ پلیٹ فارم اقتصادی رابطہ آنی تہ ءَ گیشی ءَ کمک رسیت۔
