اسلام آباد۔28نومبر (اے پی پی): وزارت ءِ ھزانگ ءَ انگریزی ھمک روچی ایکسپریس ٹریبیون ءَ ” کابینہ ءِ نیمگ ءَ 4.2 ارب ڈالر ءِ سعودی وام پیکیج ءِ بنگ گپ ءِ ھوالگ ءَ چاپ بوتگیں ھال آنی سر ءَ چمشانک دیان ءَ گوشگ بوتگ کہ اے سکیں ساھت ءَ سعودی عرب ءِ ڈیبازٹس ءُ ٹیل ءِ پجاری ءِ آسراتی ءَ چہ پاکستان ءُ سعودی عرب ءِ برجمیں یکوئی ءِ درشان انت۔ یک شمبے ءِ روچ ءَ وزارت ءِ ھزانگ ءِ نیمگ ءَ جاڑی بوتگیں ھال آنی رد ءَ گوشگ بوتگ کہ سعودی پیکیجءِ سر ءَ ریٹس یک شلی ءَ 4 درسد ءُ 3.8 درسد بنت۔ سعودی عرب ءَ اے زر پاکستان ءِ دزبندی ءَ چہ راجی ھزانگ ءَ جم کنائینت انت ءُ سعودی عرب اے زر آناں واپس کشگ ءِ ھک ءَ دار ایت ھمک ڈیپازٹ ءَ اے وڑ بیت۔ وزات ءِ ھزانگ ءَ گیش گوشت کہ ھمک ایم او یو ءَ کجام ھم ایشو ءِ گیواری ءِ بھر ھوار بنت ایشی ءِ چیر دستی ءَ دمگی کانود آنی پد ءُ رند کنگ بوت کنت۔ ایشی ءِ مول ءُ مراد ایش نہ انت کہ سیادی داروکیں ملک ءِ وت مستری ءِ سر ءَ منوگر بہ بیت۔ وزارت ءِ ھزانگ ءَ گوشت کہ ما سعودی عرب ءِ حکومت ءِ شگر ءُ منت وار آں کہ آئی ءَ ضلورت ءِ یک دگہ وھدے ءَ مارا دوارگ کمک کتگ۔
