اسلام آباد۔28نومبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ القادر یونیورسٹی ءِ جوڑیشت مزن وزیر عمران خان ءِ جیلم ءِ الس آنی واستہ یک ٹیکی ات۔ اے یونیورسٹی سوشل سائنسز ءَ نوکیں پڑے ءِ گیشی ءَ کنت۔ یک شمبے ءِ روچ ءَ وتی ٹویٹ ءَ آئی ءَ گوشت کہ القادر یونیورسٹی یک انچیں میاں اوستمانی درس گاہ ءِ جوڑ بیت کہ ایشی ءِ تہ ءَ تصوف، اسلام ءُ سائنس ءِ علم آنی اسکالرز جوڑ بنت۔ مزن وزیر کارگس ءِ رد ءَ مزن وزیر عمران خان مرچی دو شمبےءَ القادر یونیورسٹی ءِ اکیڈمک بلاکس ءِ بنگیج ءَ کنت۔ اسلامی زانشت ، تصوف ءُ نوکیں سائنسی پٹ ءُ پول القادر یونیورسٹی ورنائیں باھند آناں زانشتی پٹ ءُ پول ءِ دیمروئی ءَ ابید آوانی ازم جوڑ کنگ ءَ ارزشتی کر د ءِپیلو کنت۔
