ن لیگ ءَ آمید گس ءُ فوج ءِ سر ءَ زور پر دیگ  ءِ ھاترا پندل ساچتگ، دورگیں ویڈیو ءُ  آڈیو شنگ کنگ ن لیگ ءِ عادت جوڑ بوتگ، چوہدری فواد حسین ءِ میڈیا ءَ گوں تران

لاہور۔ 27 نومبر (اے پی پی)  ھال ءُ اھوالکاری ءِ بنجاھی وزیر  چوہدری فواد حسین ءَ گوشتگ کہ نون لیگ ءَ آمید گس  ءُ فوج ءِ سر ءَ زور پر دیگ ءِ ھاترا  پندل ساچتگ، دروگیں ویڈیو  ءُ آڈیو دیم ءُ آرگ ءُ شنگ کنگ  ن لیگ ءِ ھیل جوڑ بوتگ۔  وھد ءِ کہ مریم نواز  ءُ نواز شریف ءِ  مقدمہ  گڈی آسر ءَ سر  بنت، گڈا  وتی ھاترا راھ درگیجگ ءِ ھاترا آ پندل ساچنت۔  رانا شمیم  ن لیگ ءِ اگدہ دار بوتگ۔  آئی ءَ را گلگت بلتستان ءِ  چیف جسٹس جوڑ کنگ بوتگ  ءُ آئی ءَ چہ وتی مرضی ءِ بیان زورگ بوتگ۔  اے ھیال آنی درشانی آئی ءَ شمبے ءِ روچ ءَ  میڈیا گوں گپ ءُ تران کنان ءَ کت۔