اسلام آباد۔26نومبر (اے پی پی):صدر مملکت ڈاکٹر عارف علوی ءَ کمکی گل (ای سی او) ءِ 15 پانزدھمی سروک دیوان ءَ بھر زوری کنت انت، اقتصادی کمکی گل ءِ سروکیں دیوان ترکمانستان ءِ دارالحکومت اشک آباد ءَ 28 نومبر ءَ برجم دارگ بیت۔ آدینگ ءِ روچ ءَ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت اقتصادی کمکی گل ءِ بنداتی سیشن ءَ ھم گشتانک دنت۔ ترکمانستان ءِ صدر 15 پانزدھمی سروک دیوان ءِ سروکی ءَ کنت۔ اقتصادی کمکی گل ءِ سروک دیوان ءِ بنگپ “آیوکیں باندات ءَ یکجاہ” انت۔ صدر ڈاکٹر عارف علوی ءِ دیوان ءَ بھر زوری کنوکیں ایندگر ملک آنی سروک آں گوں گند ءُ نند ھم کنت۔ اقتصادی کمکی گل ءِ چست ءُ ایرا آنی سر ءَ چار ءُ بچار گرگ ءَ ابید ای سی او ژن 2025 ءِ نیامی وھد ءُ پاس ءِ سر ءَ چار ءُ بچار ھم کنگ بیت۔ پاکستان ءُ ترکی اقتصادی کمکی گل ءِ جوڑیشتکاریں ملک آنی تہ ءَ ھوار انت، وھدیکہ آزربائیجان، ترکمانستان، کرگستان، کزاکستان، کرگستان، ءُ اوگانستان ھم گل ءِ باسک انت۔
