اسلام آباد۔ 26 نومبر (اے پی پی) وزیراعظم عمران خان ءِ ازبکستان نا صدر شوکت مرزایوف جمعہ نادے آ ٹیل فون کرے و ہڑتوم آ راہشونک ہڑتوم آ کنڈآتا تعلقداری ٹی پیش رفت آ است جمی نا درشانی ءِ کریر۔ وزیراعظم آفس نا میڈیا ونگ آن جاری بیان نا رداٹ وزیراعظم اسیجائی ہدف و مسخت آتا دوئی کننگ کن چندی بشخ آتے ٹی پورو کچ آن فائدہ ہرفنگ نا گرج آ زور شاغا۔ وزیراعظم پارے کہ اولیتی واپاری معاہدہ نا زوت پوروی نا کمک اٹ ہڑتوم آ کنڈآتا اقتصادی تعلقداری تے مون آ دننگ نا گرج ءِ۔ وزیراعظم عمران خان اومیت ظاہر کرے کہ اوغانستان اٹ امن و سوگوی آن علاقائی شونہالی کن رابطہ نا ایجنڈاءِ مون آ دننگ اٹ کمک رسینگک۔ اوٹرانس اوغان ریلوائی ڈٹ انا وخت آ پوروی کن پاکستان نا پکا عزم انا درشانی ءِ کرے۔ ازبک صدر وزیراعظم نا کنڈآن پاکستان نا دورہ نا سلہ ءِ امنا کرے ہراڑآن ہڑتوم آ ملک آتا نیام اٹ اقتصادی و واپاری تعلقداری تتون اوار چندی بشخ آتے ٹی ساڑی آ ہڑتوم آ کنڈآتا کمکاری ءِ پین مون آ دننگ دوئی مریک۔
