اسلام آباد۔ 26 نومبر (اے پی پی) صدر مملکت ڈاکٹر عارف علوی اقتصادی کمکار تنظیم (ای سی او) نا 15 می سروک دیوان اٹ بشخ ہلیک، اقتصادی کمکار تنظیم نا سروک دیوان ترکمانستان نا دارالحکومت اشک آباد اٹی 28 نومبرآ مریک۔ جمعہ نادے آ ایوان صدر نا پریس ونگ آن جاری بیان نا رداٹ صدر مملکت اقتصادی کمکار تنظیم نا سروک دیوان نا بنائی سیشن آن ہم تران کیک۔ ترکمانستان نا صدر 15 می سروک دیوان نا کماشی ءِ کیک۔ اقتصادی کمکار تنظیم نا سروک دیوان نا سرحال ’’آخبت اٹ اوار‘‘ ءِ ۔ صدر ڈاکٹر عارف علوی دیوان اٹ بشخ ہلوک آ ایلو ملک آتا راہشون آتون اوڑدہی ہم کیک۔ اقتصادی کمکار تنظیم نا سرجزآتا جاچ ءِ ہلنگ آن بیدس ای سی او وژن 2025نا نیام مدتی جاچ ءِ ہم ہلنگک۔ پاکستان، ایران و ترکی اقتصادی کمکار تنظیم نا بانی ملک آک ءُ وخت اس کہ آذربائیجان، ترکمانستان، کرغزستان ، قزاخستان و اوغانستان ہم تنظیم نا باسک ءُ۔
