اسلام آباد۔ 26 نومبر (اے پی پی) ایوان صدر نا جامع مسجد آن حسب معمول نماز جمعہ و خطبہ ءِ براہ راست نشر کننگا۔ صدر مملکت ڈاکٹر عارف علوی و ایوان صدر نا کمامدار و عملہ ئسک جمعہ نا نماز ءِ خوانار۔ داوخت آ خطبہ ٹی اسلامی رغاموک آتے مون آ تخسا راجی گچینی کن نجی و اجتماعی زند اٹ خوشی گفتاری نا اہمیت و فائدہ غاتے تالان کننگا و داہیت آ زور شاغنگاکہ ایلوفتے ہم سلاہ درشانی نا موقع بایدے تننگے۔ خواجہ اکرم صلی اللہ علیہ و آلہ وسلم نا سیرت و اخلاق ءِ تینا کرسا حقی زند انا مزل ءِ دوئی کننگ مریک۔ است آتے ٹی خیر مریک تو راج اٹی ہم خیر تالان مریک، ہنداوڑ مچ آ دنیا نا انسان تا راہشونی کروک آ قوم اس جوڑ مننگ کیک۔ داوخت آ ملک و قوم انا سلامتی ، شونداری و شونہالی کن دعا کننگا۔ یات سلے کہ صدر مملکت ڈاکٹر عارف علوی نا پارت آ مخلوق نا راہشونی کن ایوان صدر نا جامع مسجد آن خطبہ جمعہ براہ راست نشر کننگ نا چرجوئی نا بناءِ کننگانے۔
