اسلام آباد۔ 26 نومبر (اے پی پی) چیئرمین سینیٹ محمد صادق سنجرانی پوسکن گچین مروک آ اسپیکر بلوچستان اسمبلی میر جان محمد جمالی نا طب انا اَریفنگ کن کوئٹہ ٹی اونا اُراغا ہنا۔ جمعہ نادے آ سینیٹ سیکرٹریٹ آن جاری بیان نا رداٹ پوسکن گچین مروک آ اسپیکر بلوچستان اسمبلی جان جمالی نا طب تدوک آ منہ دے آن ناساز ءِ۔ چیئرمین سینیٹ جان جمالی نا زوت دراخ جوڑی کن دعا کرے۔ چیئرمین سینیٹ جان جمالی ءِ پورو آرام نا مشورہ ہم تس۔ اوڑدہی ٹی ملکی حالیت و خاص وڑاٹ صوبہ بلوچستان نا اقتصادی حالیت، شونداری ڈٹ و اہم امور آ گپ وتران کننگا۔ جان جمالی طب انا اَریفنگ آ چیئرمین سینیٹ محمد صادق سنجرانی نا منت واری ءِ ہرفے۔ ڈپٹی چیئرمین سینیٹ مرزاحمد آفریدی ہم چیئرمین سینیٹ تون اوار ئسک۔ ڈپٹی چیئرمین سینیٹ ہم جان جمالی کن نیک است خواہی نا درشان و زوت دراخ جوڑی کن دعا کرے۔

متعلقہ مضامینمصنف کی طرف سے مزید