اسلام آباد۔ 26 نومبر (اے پی پی) بنجائی وزیر مذہبی امور پیر نورالحق قادری عمرہ نا خواہندار پاکستانی تے پارینے کہ بیرہ جان جوڑ آ بندغ آک عمرہ نا سفر ءِ گچین کیر، پی سی آر ٹیسٹ المی مریک۔ وزارت مذہبی امور نا رداٹ بنجائی وزیر مذہبی امور پیر نورالحق قادری دادے تیٹی سعودی عرب اٹی ءِ و اونا سعودی کمامدارآتون حج و عمرہ ءِ ملنگ کن اوڑدہی برجاءِ۔ وزیر مذہبی امور سعودی کمامدار آتیان خواست کرے کہ پاکستانی زائر آتیکن عمرہ غا خلوک پابندی ءِ چٹفنگے۔ وزیر مذہبی امور نا پاننگ ئس کہ ساڑی حالیت آتے ٹی بیرہ جان جوڑ پاکستانیک عمرہ نا سفر ءِ گچین کیر ولے اوپارے کہ ہندن کہ سعودی حکومت آن موکل ملک عمرہ ءِ ملنگک ہراڑکن پی سی آر ٹیسٹ المی مریک۔
