کوئٹہ۔ 26 نومبر (اے پی پی) ڈپٹی کمشنر خضدار میجر (ر) بشیر احمد پارینے کہ تعلیمی ادارہ غاتا آب و میرٹ ءِ پک کننگ کن استاد و طالب علم آتے آسراتی فراوان کننگ کن لائحہ عمل اس جوڑ کننگ اُن تانکہ تعلیم و تعلیمی بشخ ءِ پین شون ملے، تعلیم نا بشخ ڈیوالئی و لاپرواہی ءِ سگپک، ناخواندگی نا چٹفنگ و پوسکن آ چین ءِ تعلیم آن ہمکنار کننگ ہر تپہ نا اولیت مرے۔ داخیال آتا درشانی ءِ او محکمہ ایجوکیشن (ڈی آئی جی) نا کماشی ءِ کرسا کرے۔ دیوان ڈپٹی کمشنر کانفرنس روم اٹی اڈ ہلک ۔ ہراٹی مچ آ ضلع نا ایجوکیشن آفیسر ز و نمائندہ غاک ساڑی ئسر۔ دیوان اٹی ساڑی آ دے تیٹی ایجوکیشن اٹ اسکیم تا پیش رفت آ غور و خوض مس۔ معطل ملازم آتا انکوائری رپورٹ نا جاچ ءِ ہلنگا و دابابت رپورٹ ءِ بروک آ تُو انا اولیکو عشرہ ٹی سرجم اتون جمع کننگ نا پارت کننگا۔ دیوان اٹی فیصلہ مس کہ اسہ ملازم اس ہم سیاسی سرجزآتے ٹی بشخ ہلنگ کپک، تعلیمی فیلڈ انا عملہ ہرتُو تینا مانیٹرنگ وزٹ و پلان رپورٹ اس جمع کرفک۔ اسکول سروک آک اگہ آخبتی غیر حاضر مریرہ تو اوفتا برخلاف ہم تادیبی کارروائی کننگک۔ بجٹ نا رداٹ تعلیمی ادارہ غاتا جوڑ جاڑ نا بابت ایجوکیشن آفس اسکول آتا پیدواری ءِ کیک و اوکان پد اوڑے جوڑ جاڑ بناکیک۔ دیوان اٹی ڈسٹرکٹ ایجوکیشن آفیسر خضدار منیر احمد نودیزئی و تعلقدار غٹ ڈی اوایزآک بشخ ہلکر ڈپٹی کمشنر خضدار بشیر احمد نا پاننگ ئس کہ تعلیم ننا راج انا رونق ومزل ءِ داڑکن غٹ تپہ غاتے تینا کڑد ءِ ادا کروئی مریک و محکمہ ایجوکیشن تون وابستہ آفیسر ز و زموار آتیا دابابت بھلو زمواری اس مریک تعلیم و جان جوڑی اِرا ہندن ءُ بشخ ءُ ہراڑے نیک نیتی اخلاص و جوش وجوزہ نا رداٹ تینا خذمت آتے پیش کننگک اگہ جوزہ نا رداٹ تعلیم نا آب و میرٹ آ فوکس کننگے تو ہچ ءُ مشکل اس اف کہ نن دنیا غان پدی سلن تعلیم غٹ تر سرسہبی تا کسر ومزل ءِ۔