اسلام آباد۔25نومبر (اے پی پی): مزن وزیر عمران خان ءَ گوشت کہ قبضہ مافیا ءَ گوں جنگل آنی زمین آناں پچ گرگ حکومت ءِ اولی ترجی انت، گپتگیں زمن آنی آزات کنگ ءُ ایشانی سر ءَ پُل ءُ درچک کشگ جنگل آنی زمین آناں گیش کنگ ءِ واستہ زوتیں گامگیج کنگ بہ بیت تانکہ پاکستان ءَ را سرسبز دمگ آنی تہ ءَ گیشی بوت بہ کنت۔ پنچ شمبے ءِ روچ ءَ مزن وزیر عمران خان ءِ سروکی ءَ راجی رابطہ کمیٹی برائے ہاوسنگ ، جوڑیشت ءُ دیمروئی دیوان برجم دارگ بوت۔ دیوان ءَ مشیر ھزانگ شوکت فیاض ترین، وزیر مملکت برائے اھوالکاری ءُ شنگ کاری فرخ حبیب، موسمی مٹ ءُ بدلی ءِ بابت ءَ مزن وزیر ءِ ھاسیں کمکار ملک امین اسلم ، ڈاکتر شہباز گل، گورنر سٹیٹ بینک ڈاکٹر رضا باقر ءُ سیادی داروکیں اپسرگ آں بھر زوری کت۔
