اسلام آباد۔25نومبر (اے پی پی):مزن وزیر ءِ مشیر برائے راجی سلامتی ڈاکٹر معید یوسف ءَ گوشت کہ پاکستان لوٹ ایت کہ دگنیا ءِ گوما اوگانستان ءِ رابطہ برجا بہ بنت، پاکستان اوگانستان ءُ دگنیا ءِ نیام ءَ پل ءِ بستار ءَ پیلو کنت، پاکستان اوگانستان دوستی بس سروس زوت بندات کنگ بیت، پشاور ءَ چہ جلال آباد ٹرین سروس ءِ سر ءَ کار زوت بندات بیت، اوگان سروک آنی ادارُکی حکومت تسلیم کنگ ءِ بابت ءَ یک شل ءَ لوٹ نہ کتگ، امر اللہ صالح وڑیں مردم پاکستان ءِ سر ءَ بے سر ءُ پاد بھتام جنگ ءَ انت، اوگانستا ءَ چہ “را” ءِ بیم یک شل ءَ جاڑی انت۔ اے ھیالانی درشانی آئی ءَ پنچ شمبے ءَ پی ٹی وی ءَ را داتگیں وتی یک گلگدار ءِ ساھت ءَ کت۔ آئی ءَ گوشت کہ جغرافیہ ءَ را مٹ کت نہ کنت، مئے وش بھتی انت کہ اوگانستان ءِ گوما مئے السی تک ءَ یکوئی است۔ گوستگیں لستیں وھد ءَ چہ اوگانستا ن ءِ گوما یکوئی آنی تہ ءَ کمو پینگ است بلے پدا ھم ما ھمے گوشاں کہ ما اوگانستا ءِ گوما چلگ لوٹاں، اگاں اگاں اوگانستان ءِ جاور ھراب بوتگیں گڈا آسر پاکستان ءِ سر ءَ کپ کناں، ما دمپہ ساھت ءَ دگنیا ءَ را ھم ھمے گوشاں کہ اوگانستان ءِ جیڈھ آنی یک سیاسی گیواری ءِ کنگ بہ بیت۔ آئی ءَ گوشت کہ مئے پالیشی ایش انت کہ اوگانستان ءَ چہ پاکستان ءَ را چ بیم مہ بیت، اگانستان ءَ ھرکسی حکومت بہ بیت آئی ءِ گوما ھمبراہ داری کناں۔ ڈاکٹر معید یوسف ءَ گوشت کہ اوگانستان ادارُکی حکومت ءِ ھوالگ ءَ دگنیا ھم پیسلہ کنت پاکستان آئی گوما ھمبراہ داری کنت۔ دگنیا ءَ را لوٹ ایت کہ آ اوگان حکومت ءِ گوما گپ کنت ءُ آئی ءِ کمک پجاری ءِ پیشکوئی ءِ گوما اوگان حکومت ءَ را وتی امیت آنی بابت ءَ سرپد کنت۔ یک جستے ءِپسو ءَ آئی ءَ گوشت کہ مزن وزیر عمران خان ءَ وت اے پنت ءُ شون کتگ کہ اگاں گرائونڈ ءَ روت ءُ اوگانستان ءِ جیڈھ آناں چار ایت ءُ ایشانی گیواری ءِ کوشست ءَ کنت۔ مئے لیکہ سہرا انت، ما او گانستان ءِ گوما رابطہ ءَ را ھم گہتر جوڑ کنگ انت، پاکستان اوگان دوستی بس سروس زوت بندات بیت، ایشی ءَ ابید کاروباری برات آنی یکوئی ءُ اوگان سرمایہ کار آناں آسراتی دیگ ءِ واستہ ھم ما ویزہ ءِ وھد ءُ پاس پنچ سال کتگ۔ ایشی ءَ ابید نادُراھ آناں ھم سفری آسراتی دیگ بوھگ ءَ انت۔ آئی ءَ گوشت کہ پاکستان لوٹ ایت کہ دگنیا ءِ گوما اوگانستان ءِ رابطہ برجا بہ بنت، پاکستان اوگانستان ءُ دگنیا ءِ نیام ءَ پل ءِ کرد پیلو کت کنت۔ ما دگنیا ءَ را گوشتگ کہ آ کمک پاکستان ءَ بیار انت ءُ اد ا چہ زمینی یا بالی کشک کجام ھم نمونگ ءَ بیت کمک اوگانستان ءَ برگ لوٹاں بہ بر انت۔ آئی ءَ گوشت کہ اوگان سروک آں ادارُک ءِ واستہ آوانی حکومت ءِ تسلیم کنگ ءِ ھوالگ ءَ یک شلی ءَ لوٹ نہ کتگ۔
