اسلام آباد۔25نومبر (اے پی پی):مزن وزیر عمران خان ءَ گوشت کہ ملک ءِ معاشی برجائی ءُ دیمروئی ءِ واستہ برآمدات آنی تہ ءَ گیشی المی انت، برآمدات ءُ درآمدات آنی تہ ءَ استیں دورئی آنی کنگ ءِ واستہ زر ءَ آدیم نندوکیں پاکستانی آنی نیمگ ءَ روان داتگیں زر باز ارزشتی انت۔ سوہنی دھرتی ریمیٹنس پروگرام زر ءَ آدیم ءَ نندوکیں پاکستانی آنی واستہ آسراتی ءُ جتا جتائیں آسراتی داریں منصوبگ ات۔ زر ءَ آدیم نندوکیں پاکستانی آنی واستہ ٹیکس آسراتی ءِ منصوبگ ھم آرگ ءَ انت۔ آ پنچ شمبے ءِ روچ ءَ سوہنی دھرتی ریمیٹنس پروگرام ءِ بنگیجی مراگش ءَ گوں گشتانک دیان ءَ کت۔ مراگش ءَِ گوں مشیر ھزانگ شوکت ترین، گورنر سٹیٹ بینک رضا باقر ءَ ھم گشتانک دات۔ مزن وزیر ءِ زر ءَ آدیم نندوکیں پاکستانی آنی واستہ آسراتی پجاری کنگ ءِ ویژن ءِ چیر دستی ءَ سٹیٹ بنک ءِ سوہنی دھرتی ریمیٹننس پروگرام ءِ بنگیج کت۔ پروگرام ءِ چیر دستی ءَ سٹیٹ بنک ءِ وسیلگ ءَ روان داتگیں زر زر ءَ آدیم پاکستانی آناں ریوارڈ پوائنٹس دیگ بیت ایشی ءِ وسیلگ ءَ آ سرکاری ادارگ آناں داتگیں ازمت آناں مپت ءَ آسراتی دیگ بیت۔ اے مول ءُ مراد ءِ واستہ موبائل ایپلیکیشن ءِ بنگیج ھم کنگ بوھگ ءَ انت ایشی ءِ چیر دستی ءَ زر ءَ آدیم نندوکیں پاکستانی وتی ریوارڈ پوائنٹس ءِ رد ءَ ناں ایوک ئَ سرکاری ادارگ آنی ازمت پجاری کنگ بیت بلکینگ ءَ ایشی ءَ چہ سیت چست کنگ ءِ واستہ آ وت ءَ ابید یک بینیفیشری ءِ نامینت کت کناں۔ مزن وزیر ءَ مراگش ءَ گشتانک دیان ءَ گوشت کہ نوکیں پروگرام ءِ سر ءَ گورنرسٹیٹ بینک ءَ را توسیپ ءُ ستا پیش کناں۔ پاکستان ءِ درستاں چہ مستریں جیڈھ انت کہ برآمدات آنی نیمگ ءَ دلگوشی دیگ نہ بوتگ، 1960 ءِ زمانگ ءَ پاکستان ءُ ہانگ کانگ ءِ برآمدات بروبر بوتگ انت وھدیکہ مرچی پاکستان ءِ رد ءَ ایشی ءِ برآمدات باز گیش انت، سنگاپور ءِ برآمدات مرچی 300 ارب ڈالر ءَ چہ گیش انت۔ ملائیشیا ءِ برآمدات 260 ارب ڈالر ءَ چہ گیش انت۔ مزن وزیر ءَ گوشت کہ اے سال مئے برآمدات تاریخ ءِ برز تریں تک ءَ بنت پدا ھم گوست ءَ برآمدات ءِ نیمگ ءَ دلگوشی دیگ ءِ تاوان پاکستان دیگ ءَ انت، مئے معیشت ءِ دیمروئی کنگ ءَ بیت یک چیک ءَ کرنٹ اکاونٹ ءِ سر ءَ زور پر بیت۔ مئے زر ڈن ملک ءَ گیش رونت ءُ ملک ءَ کم سرمایہ کئیت ھمے سبب ءَ پاکستان نوں 20 رند ءَ آئی ایم ایف ءِ کرا شتگ اے چکر ءَ چہ در کپگ ءِ واستہ یکیں کشک انت کہ ما وتی برآمدات آنی تہ ءَ گیشی بیار آں۔ استیں حکومت ایشی ءِ واستہ کوشت ایگ انت۔
