کوئٹہ۔ 25 نومبر (اے پی پی) بلوچستان سول سیکرٹریٹ آفیسرز ویلفیئر ایسوسی ایشن نا صدر عبدالمالک کاکڑناکماشی ٹی ڈل چیف سیکرٹری بلوچستان مطہر نیاز رانا تون سول سیکرٹریٹ اٹی اوڑدہی کرے۔ اوڑدہی ٹی سیکرٹریٹ آفیسر و ملازم آتیکن ہیلتھ کارڈ اٹ تاخیر، بی ایس ایس آفیسر آتا پوسٹنگ، اٹیچ ڈیپارٹمنٹ نا ملازم و کیڈر نا ایلو ویل آتیا گپ وتران کننگا۔ داوخت آ چیف سیکرٹری بلوچستان دمدستی وڑاٹ سیکرٹری ہیلتھ ءِ ورکنگ پیپر و گڈیکو فیصلہ کن زوت دیوان اس بٹنگ نا پارت کرے، دیوان اٹی بیرہ ہیلتھ کارڈ، ریفرل پالیسی، میڈیکل ری ایمبرسمنٹ نا ایجنڈاغا شرہ کننگا، شیئر ڈسٹریبیوشن نا ویل ءِ ہم تالان کننگا ہراڑآ چیف سیکرٹری سیکرٹری ایس اینڈ جی اے ڈی ءِ ہندا ویل آتے گڈیکو سلاہ و سوج اتون بروک آ صوبائی کابینہ میٹنگ اٹ تخنگ نا پرمان جاری کرے۔ گوادر ہاؤسنگ اسکیم ویل آ ایسوسی ایشن پین پیش رفت کن چیف سیکرٹری نا خصوصی است خواہی ہلنگ آ اسہ ورکنگ پلان اس جوڑ کننگ نا سلاہ کرے۔ چیف سیکرٹری بلوچستان پارے کہ حکومت بلوچستان ملازم آتا راجی آسراتی کن پبی کڑد ادا کننگ ءِ۔ گوادر اٹ ملازم آتے کن دمدستی وڑاٹ پلاٹ الاٹ کننگ کن ڈیڈلائن تننگا۔ اوڑدہی ٹی پروموشن و بی ایس ایس آفیسر آتا پوسٹنگ، اٹیچ ڈیپارٹمنٹ نا ملازم و کیڈر نا ایلو ویل آتیا گپ وتران مس۔ ہاؤس ریکوزیشن و ایلو الاؤنس آتیا آفیسرز ویلفیئر ایسوسی ایشن زوت آن زیوت جوان ءُ خبراس ایتک۔ فیلڈ اٹ پوسٹنگ کن بی ایس ایس آفیسر آتا دمدستی وڑاٹ فیلڈ اٹ خورک پوسٹ آتیا تعیناتی کننگک۔ داوخت آ آفیسر ویلفیئر ایسوسی ایشن ملازم آتا ویل آتے ٹی است خواہی ہلنگ آ چیف سیکرٹری نا منت واری ءِ ہرفے۔
