اسلام آباد۔ 25 نومبر (اے پی پی) تدوک آ بیست ءُ چار گھنٹہ ٹی کورونا دین انا سوب آن سندھ آن پد خیبرپختونخوا ٹی غٹ آن زیات مرک ریکارڈ کننگا۔ مچ آ ملک اٹی تدوک آ بیست ءُ چار گھنٹہ ٹی کورونا دین آن 13 مرک مس ہرافتیان 6 ناجوڑ وینٹی لیٹرآتیا زوال کریر۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 363 بندغ آتا کوویڈ۔ 19 ٹیسٹ مثبت بس۔ ملک انا 4 بھلا شار تیٹی وینٹی لیٹرآتیا کوویڈ۔ 19 نا ناجوڑآتا بیٹ کچ انا رداٹ پشاور اٹی 19 درسد، اسلام آباداٹی 10 درسد، ملتان اٹی 28 درسد، لاہور اٹی 11 درسد ناجوڑ ءُ۔ ہنداوڑاٹ ملک انا چار بھلا شار تیٹی آکسیجن نا آسراتی والا کٹ آتیا کورونا دین انا مثبت کیس آتا بیٹ کچ انا رداٹ ملتان اٹی 39 درسد، گجرات اٹی 16 درسد، سرگودھاٹی 17 درسد و صوابی ٹی 27 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 41 ہزار 240 ٹیسٹ کننگا ہرافتیان سندھ اٹی 13 ہزار 966، پنجاب اٹی 14 ہزار 290، خیبرپختونخواٹی 8 ہزار 747 ، اسلام آباد اٹی 4 ہزار 454، بلوچستان اٹی 345، گلگت بلتستان اٹی 307 ٹیسٹ، آزاد کشمیر اٹی 131 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 12 لکھ 40 ہزار 995 مسنے۔ بلوچستان، آزاد کشمیر و گلگت بلتستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹرآتیا اف وخت اس کہ مچ آ ملک اٹی کوویڈ۔ 19 کن جتا وینٹی لیٹرآتیا 118 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 13 ہزار 538 ءِ۔ مچ آ ملک اٹی کورونا دین آن زہمی بندغ آتا کچ 12 لکھ 83 ہزار 223 ءِ ہرافتیان آزاد کشمیر اٹی 34 ہزار 540، بلوچستان اٹی 33 ہزار 458، گلگت بلتستان اٹی 10 ہزار 411، اسلام آباد اٹی 1 لکھ 7 ہزار 554، خیبرپختونخوا ٹی 1 لکھ 79 ہزار 774، پنجاب اٹی 4 لکھ 42 ہزار 714و سندھ اٹی 4 لکھ 74 ہزار 772 ناجوڑ ءُ۔ مچ آملک اٹی کورونا دین آن زوال کروک آتا کچ 28 ہزار 690 مسنے۔ ہرافتیان سندھ اٹی 7 ہزار 619 مرک وخت اس کہ تدوک آ بیست ءُ چار گھنٹہ ٹی 5 ناجوڑ ہسپتال وخت اس کہ اسہ ناجوڑ اس اُراٹی قرنطینہ ٹی دادین آن زوال کرے، پنجاب اٹی 13 ہزار 7 مرک وخت اس کہ تدوک آ بیست ءُ چار گھنٹہ ٹی 2 ناجوڑ ہسپتال آتے ٹی دادین آن زوال کریر، خیبرپختونخواٹی 5 ہزار 825 مرک وخت اس کہ تدوک آ بیست ءُ چار گھنٹہ ٹی 3 ناجوڑ ہسپتال آتے ٹی دادین آن زوال کریر، اسلام آباد اٹی کل 952 مرک، بلوچستان اٹی کل 359 مرک وخت اس کہ تدوک آ بیست ءُ چار گھنٹہ ٹی اسہ ناجوڑ اس ہسپتال اٹی دادین آن زوال کرے، گلگت بلتستان اٹی 186 مرک، آزاد کشمیر اٹی دادین آن 742 مرک مسنے وخت اس کہ تدوک آ بیست ءُ چار گھنٹہ ٹی اسہ ناجوڑ اس ہسپتال اٹی دادین آن زوال کرے۔ داتم اسکان مچ آ ملک اٹی کوویڈ۔ 19 نا 2 کروڑ 17 لکھ 96 ہزار 915 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 640 ہسپتال آتیٹی اسہ ہزار 30 ناجوڑ درمان مننگ ءُ۔
