اسلام آباد۔ 25 نومبر (اے پی پی) بنجائی وزیر توانائی حماد اظہر پارینے کہ پٹرول پمپ آتا ہڑتال نا آڑ اٹ گڑاس پڑک مارجن اٹ 9 روپئی نا ودکی کرفنگ خوارہ، الس ءِ فریشان کننگ سہی اف، روا خواست آتے مننہ، ناروا خواست آتے منپنہ۔ پنچ شنبے نادے آ وزارت نا کنڈآن جاری بیان نا رداٹ بنجائی وزیر حماد اظہر پارے کہ پٹرول پمپ آتا ہڑتال نا آڑاٹ گڑاس پڑک مارجن اٹ 9 روپئی نا ودکی کرفنگ خوارہ۔ منہ کمپنی تے خوش کننگ کن 9 روپئی نا ودکی کننگ مفک۔ اوپارے کہ روا خواست آتے مننہ ، ناروا خواست آتے منپنہ ۔ اوپارے کہ الس ءِ فریشان کننگ سہی اف، پٹرولیم ڈیلر ز ایسوسی ایشن نا خواست آ مارجن اٹ ودکی نا سمری ءِ مہالو آن ای سی سی ٹی پیش کننگانے۔ بروک آ دیوان اٹ دانا فیصلہ مریک ولے روا خواست آتے امنا کننگک۔ حماد اظہر پارے کہ پٹرول پمپ انا مالک آتا مشکل آتا احساس ارے۔ پٹرول پمپ انا مالک آک الس نا مشکل آتا احساس ءِ کرسا تینا فیصلہ غا نظر شاغر۔
