اسلام آباد۔ 25 نومبر (اے پی پی) وزیراعظم عمران خان پارینے کہ حکومت کاروبار ءِ آسان کننگ نا پالیسی نا رداٹ درملکی زرکارآتے پورو کمک فراوان کننگ ءِ۔ داخیال آتا درشانی ءِ او آن لائن ای واپار کروک آ پڑک’’دراز‘‘ نا چیف ایگزیکٹیو آفیسر بجارک مائیکلسن تون گپ وتران کرسا کرے ہرا پنچ شنبے نادے آ داڑے اوڑتون اوڑدہی کرے۔ وزیراعظم آفس نا میڈیا ونگ انا کنڈآن جاری بیان نارداٹ وزیراعظم عمران خان ’’دراز‘‘ نا چیف ایگزیکٹیو مائیکلسنءِ بخیر کرسا پارے کہ پاکستان اٹی ای واپار نا بھلو وارخواہی اس ارے ہراڑآن ملازمت نا وارخواہی ہم ودی مریک و ملک انا اقتصادی شونداری ٹی ہم کمک رسینگک۔ وزیراعظم پارے کہ حکومت کاروبار ءِ آسان کننگ نا پالیسی نا رداٹ درملکی زرکارآتے پورو کمک فراوان کننگ ءِ۔ ’’دراز‘‘ نا سی ای او پاکستان اٹ ای واپار نا گیشتر و پین زرکاری کننگ اٹ است خواہی نا درشانی ءِ کرے۔ وزیراعظم نا سلاہکار خزانہ شوکت فیاض ترین، اسپیشل ٹیکنالوجی زونز اتھارٹی نا چیئرمین عامر ہاشمی، سینیٹر عون عباس بپی، ’’دراز‘‘ نا ایم ڈی احسان سایا و عماد خان ئسک ہم اوڑدہی ٹی ساڑی ئسر۔
