ملکی دیمروئی ءِ واستہ راج ءَ را وتی ازم آناں پجا کنگی انت، حکومت ءِ بلوچستان دیمروئی ءِ  سر ءَ دلگوشی دیگ ءَ انت، صدر مملکت ڈاکٹر عارف علوی ءِ نیشنل سیکورٹی ورکشاپ بلوچستان ءِ  شریکیں مردم آناں گشتانک

اسلام آباد۔24نومبر  (اے پی پی):صدر مملکت ڈاکٹر عارف علوی  ءَ گوشت کہ آیوکیں باندات ءِ جیڈھ آنی  گیواری ءِ واستہ یکوئی،  ایمان ءُ ازمت ءِ گوما کار کنگ ءِ ضلورت انت، ملکی دیمروئی ءِ واستہ  راج ءَ را وتی  ازم آناں پجار کنگی انت،  حکومت  ءِ بلوچستان  دیمروئی ءِ نیمگ ءَ دلگوش انت، میاں  اوستمانی سیاست ءِ  تہ ءَ اخلاق ءِ کمیگ انت۔  دگنیا  ءَ ایمنی ءُ دیمروئی ءِ واستہ  میاں اوستمانی سیاست ءَ  اخلاق  ءُ شرپ  ءُ ازت ءَ را وتی کنگی انت۔  راج ایوک ءَ  کدر ءُ آسراتی ءَ چہ باں بلکینگ ءَ پگر ءُ سسا  ءَ چہ دیمروئی کن انت۔ صدر ءِ مملکت ءَ اے ھیالانی درشانی آئی ءَ چار شمبے ءِ روچ ءَ   ایوان ءِ صدر ءَ نیمگ  سیکورٹی ورکشاپ بلوچستان ءِ     مردم آں گوں گشتانک دیان ءَ کت۔