اسلام آباد۔24نومبر (اے پی پی): مزن وزیر عمران خان ءَ چاگرد ءِ دیمروئی ءُ یک ٹوھیں راج ءِ جوڑ کنگ ءِ واستہ جوانیں اخلاق ءُ شرپ ءُ ازت ءِ رپک آنی سروکی دارگ ءِ بابت ءَ زور پر دات ءُ گوشت کہ وھد ءِ اخلاق ءُ شرپ ءُ ازت ھلاس بیت ءُ دزئی ءَ را ھراب لیکگ نہ بیت گڈا راج پروش ءِ آماچ بنت، کرپشن ملک ءِ درستاں چہ مستریں ٹوھیں جیڈھ انت، لندن ءَ دزئی ءِ زر آں چہ فلیٹس بھا زورگ ءِ رسید پیش کنگ ءِ مٹ ءَ آمید گس ءُ فوج ءَ ھوار ادارگ آنی ھلاپ ءَ گامگیج چلائینگ بوھگ ءَ انت۔ دروگ بندان ءَ ملک ءَ چہ تچوکیں مردم گشتانک دنت، پاکستان ءِآیوکیں باندات ورنا آنی دست ءَ انت، کامیات پاکستان پروگرام ءِ چیر دستی ءَ 40 لکھ ھاندان آناں بے سُت ءَ وام دیاں، ملک ءَ کورونا ءِ سبب ءَ سکیں ساھت انت، ءُ سرجمیں دگنیا ءَ سامان آنی نیاد گیش بوھگ ءَ انت۔ آئی َ اے ھیالانی درشانی چار شمبے ءِ روچ ءَ ادا کامیات ورنا کنونشن ءَ گوں گشتانک دیان ءَ کت۔ مزن وزیر ءَ گوشت کہ آ ھاسیں کمکار عثمان ڈار ءُ آئی ءِ ٹیمب ءَ را کامیات ورنا کنونشن ءِ برجائی ءِ پد ءَ مبارک بات پیش کناں۔ عثمان ڈار ءِ کامیات ورنا پروگرام ءِ ھوالگ ءَ چہ ارزشتی ایں کرد ءِ است۔ کامیات ورنا پروگرام کامیاتی ءِ گوما دیم ءَ جنزگ ءَ انت۔ ءُ اے مئے منصوبگ آنی تہ ءَ درستاں چہ گیش کامیات سہرا بوتگ۔
