اسلام آباد۔24نومبر (اے پی پی): بنجاھی وزیر ریلویز ءَ گوں پاکستان ءَ پوسٹیں ایران ءِ سفیر سید محمد علی ءَ وزارت ءِ ریلوے ءَ گند ءُ نند کت۔ گند ءُ نند ءِ ساھت ءَ دوئیں ملک آنی یکوئی ءُ ریلوے پراجیکٹس ءِ ھوالگ ءَ گپ ءُ تران کنگ بوت۔ اے موہ ءِ سر ءَ تران کنان ءَ بنجاھی وزیر ءَ گوشت کہ پاکستان ایران ءِ گوما تجارتی یکوئی آناں گہتر جوڑ کنگ ءِ واھشت ایگ انت۔ دوئیں ملک آنی نیام ءَ توامیں شوبگ آنی تہ ءَ گیش گہتری بوھگ ءَ انت۔ ایران ءِ سفیر ءَ گوشت کہ پاکستان ءُ ایران ءِ دوستی بے مٹ ءُ بے درور انت۔ دوئیں ملک آنی نیام ءَ دوستی ءُ یکوئی ءِ سیادی مھکم انت۔ پاکستان ءَ کاروبار ءِ واستہ جاور باز جوان انت۔ ایشی ءَ چہ ایرانی سرمایہ کار آناں سیت چست کنگ ءِ ضلورت انت۔ دوئیں سروک آں دونیمگی کمک جاڑی دارگ ءُ ایشرا شاھیگانی دیگ ءِ سر ءَ تپاک کت۔ گند ءُ نند ءَ چیئرمین ریلوے حبیب الرحمٰن گیلانی۔ ڈی جی پلاننگ ءُ ایندگر ھم ساڑی اتنت۔
