ما درست یکجاہ بوتگ آں ءُ  پولیو وائرس  ءَ را ھلاس کنگی انت۔ میاں اوستمانی برات آناں پولیو ءِ ھلاسی ءَ اوگانستان ءِ ھم کمک کنگ لوٹ ایت، مزن وزیر عمران خان

اسلام آباد۔24نومبر  (اے پی پی): مزن وزیر عمران خان  ءَ پولیو ءِ  2 سالی نیشنل ایمرجنسی ایکشن پلان ءِ منظوری  دیان ءَ گوشت کہ مارا درستاناں یکجائی ءَ پولیو وائرس ءِ ھلاسی  کنگی انت۔ میاں اوستمانی برات آناں پولیو ءِ ھلاسی ءَ اوگانستان ءِ ھم کمک کنگ لوٹ ایت۔ اے ھیالانی درشانی  مزن وزیر  ءَ وتی سروکی ءَ راجی ٹاسک فورس برائے پولیو ءِ  گر ءُ دار ءِ  دیوان ءَ گوں تران کنان ءَ کت۔ دیوان ءَ مزن وزیر   ءَ پولیو ءِ گر ءُ داسر ءِ  گامگیج ءَ صوبائی جان سلامتی ءِ محکمہ  ءُ ضلعی انتظامیہ ءَ را توسیپ ءُ ستا پیش کنان ءَ  میاں اوستمانی  شریکداری ءِ مالی ءُ تکنیکی کمک ءِ سر ءَ شگر ءُ منت گپت۔  مزن وزیر ءَ گوشت کہ موسم ءَ پولیو ءِ شنگ ءُ تالانی ءِ کساس کم بیت ءُ زھگ آناں ایمونائزیشن ءِ واستہ ھمے  جوانتریں وھد بیت۔ مارا درستاناں  ایمرجنسی  جاور آں چہ   رکھینگ بوت کنت۔  مزن وزیر ءَ پنت ءُ شون کت کہ زھگ آناں ایندگر ایمونائزیشن پروگرامز آناں ھم  پولیو ءِ گر ءُ دار  ءِ گامگیج ءِ گوما  چلائینگ بہ بیت تانکہ گیشاں چہ گیش کوریج  بوت بہ کنت۔  دیوان ءَ را گوشگ بوت کہ آیوکیں پنچ سال آنی واستہ   798.6 ملین ڈالر  ءِ  PC-I منظوری ءِ واستہ تیار انت ایشی ءَ چہ میاں اوستمانی   ادارگ  ءُ حکومت ءِ پاکستان ءِ مالی کمک ھوار انت۔ دیوان ءَ را سرپد کنگ بوت کہ سال 2020  ءَ پولیو ءِ 84  کیس رپوٹ بوتگ وھدیکہ گوستگیں دھ ماہ آںی  تہ ءَ اچ کیس رپوٹ نہ بوتگ ایش پاکستان ءِ  پولیو ءِ گر ءُ دار ءِ  ھوالگ ءَ  ٹوھیں کامیاتی ات۔  ٹاسک فورس ءِ دیوان ءَ ھاسیں  کمکار ڈاکٹر فیصل سلطان، گورنر خیبر پختوںخوا  شاہ فرمان،  سر وزیر  پنجاپ سردار عثمان بزدار، سروزیر  خیبر پختوںخوا محمود خا، سر وزیر گلگت بلتستان خالد خورشید،  وزیر ءِ جان سلامتی بلوچستان سید احسن شاہ،  مزن وزیر آزات  جموں کشمیر سردار  عبدالقیوم خان نیازی،  انجنئیر ان چیف پاکستان آرمی لیفٹیننٹ جنرل معظم اعجاز، توامیں   چیف سیکریٹریز،  ڈبلیو  ایچ او ، یوینسف ،  سی ڈی سی،  گاوی، بل اینڈ ملینڈا  گیٹس  فاونڈیشن   ءُ روٹری انٹرنیشنل ءِ ٹوھیں ٹوھیں کارندہ  ءُ  کلانہ ایں سرکاری اپسرگ آں بھر زوری کت۔