اسلام آباد۔ 24 نومبر (اے پی پی) وزیر خارجہ مخدوم شاہ محمود قریشی پارینے کہ پاکستان چندی مذہب ، دودوربیدگ و تہذیب آتا نیام اٹ امن و آشتی و ہم آہنگی نا مون آ دننگ کن تینا غٹ کوشست آتے کاریم اٹ اتنگ کن سنبرینگوک ءِ۔ دیکی سلاہ درشانی نا آجوئی نا غلط کاریم اٹ اتنگ نا است بڈی ءِ کپ، اسلام امن نا دین ءِ ہرا بیدادی و انتہاپسندی ءِ امنا کپک۔ چندی تہذیب آتا وت انا وڑاٹ پاکستان، چندی دودوربیدگ آتا اسہ زیباءُ جاگہ اسے۔ اوچارشنبے نادے آ داڑے جہانی بین المذاہب امن کانفرنس آن تران کریکہ۔ وزیرخارجہ پارے کہ انتہاپسندی، بالادست نظریات، جھیڑہ و دیرینہ جھگڑا غاتیان تقسیم درتقسیم نا گواچی اینو نا دنیا ٹی بین المذاہب ہم آہنگی بھاز اہم اہمیت و خاص ءُ حیثیت اس دوئی کرینے۔ اوپارے کہ شرانگیز پروپیگنڈاغان پد ہم دنیا ٹی دا احساس ودنگ ءِ کہ اسلام امن نا دین ءِ، ہرا تشدد و انتہاپسندی ءِ منپک و نئے اودے مون آ دننگ یا است بڈی نا ترغیب ایتک۔ اسلام نسلی برتری نا نظریات و رنگ و نسل نا بنداو آ متیاز آتے سختی اٹ مسترد کیک۔
