اسلام آباد۔ 24 نومبر (اے پی پی) وزیراعظم نا خصوصی کمکار سینیٹر ڈاکٹر ثانیہ نشتر پارینے کہ احساس راشن رعایت پروگرام اٹ نیشنل بینک انا کڑد بے مٹ ءِ، وزیراعظم احساس راشن رعایت پروگرام نا بناءِ کرینے ہرانا کابینہ منظوری ءِ تسنے۔ میڈیا تون گپ وتران کرسا ڈاکٹر ثانیہ نشتر پارے کہ دا 120 ارب روپئی نا سبسڈی نا پروگرام اسے ہراڑآن بروک آ 6 تُو اٹی 2 کروڑ خاہوت آتا کمک ءِ کننگک۔ نُت، دال، سی و آئل آ ہر خاہوت ءِ اسہ ہزار روپئی نا رعایت تننگ انگ ءِ۔ داپروگرام ءِ غٹ قاعدہ و ضابطہ ءِ مون آ تخسا ٹہیفنگانے۔ داپروگرام آ عملدرآمد کن پارٹنر نیشنل بینک آف پاکستان ءِ۔ واودے خوشی ءِ کہ او نیشنل بینک اتون کاریم کننگ ءِ۔ نیشنل بینک انا عملہ داپروگرام اٹ پبی کمک کننگ ءِ۔ و احساس راشن رعایت پروگرام اٹ نیشنل بینک انا کڑد بے مٹ ءِ۔ داپروگرام اٹ شفافیت نا خاص خیال ءِ تخنگک۔ داوخت آ داپروگرام نا رجسٹریشن ءِ کننگ انگ ءِ دا عمل 10 دسمبراسکان برجاسلک۔ داریسہ ٹی کریانہ مالک آک جتا رجسٹریشن کرفنگ ءُ۔ حکومت پاکستان اوفتا رجسٹریشن نا عمل اٹ کمک ءِ کننگ ءِ۔ ڈاکٹر ثانیہ نشتر پارے کہ احساس راشن رجسٹریشن کن 8171 سروس بناکرینے۔ اُراسے نا اسہ بندغ اس 8171 آ رجسٹریشن کن تینا شناختی کارڈ نمبر ءِ ہمو موبائل سم آن گدریفے ہرااونا پن آ رجسٹر ءِ۔ احساس راشن رعایت کن ہراُرانا اسہ ہی بندغ اس اہل مریک۔ احساس راشن رعایت پروگرام آن اِراکروڑ خاہوت فائدہ ہرفرہ۔ کریانہ مالک آک راشن پروگرام کن بیرہ احساس راشن ویب پورٹل آ رجسٹر مریرہ۔
