اسلام آباد۔ 10 اپریل (اے پی پی) چیئرمین سینیٹ سینیٹر میاں رضا ربانی پارینے کہ یوم دستور اڈتننگ اٹی بیرہ سینیٹ نا کڑد اف بلکن ہر چار آ صوبائی اسمبلی، صدر مملکت و اسپیکر ہم داٹی اوار ئِ۔ دوشنبے نا دے ایوان بالا نا دیوان اٹی چیئرمین سینیٹ وضاحت کرے کہ دا دے ئِ بیرہ سینیٹ اڈ تننگ اف ، ہر چار آ وزیراعلیٰ تا منت وار اُٹ کہ اینو ہرا خصوصی اشاعت شینک مسنے داٹی اوفتا ہم کمک اوار ئِ۔ ہر چارآ صوبائی اسمبلی، اسپیکر قومی اسمبلی نا ہم منت وار اُٹ۔ صدر پاکستان ہرا پارلیمان نا بشخ ئِ اونا کلہو ہم اینو نا دے انا مناسبت آن شینک مسنے۔ وزیراعظم ہم تینا کلہو ئِ تسنے۔ دا دا غٹ انا اسیجائی کوشست آتیان اڈتننگ انگ ئِ۔ وخت انا تدینگ انگ تون اایلو ادارہ غاک ہم پارلیمان تون دادے ئِ اڈ ایترہ۔ او وزیر مملکت اطلاعات و نشریات مریم اورنگزیب نا اشاعت خصوصی نا بابت کمکاری آ ہم منت واری ئِ ادا کرے۔
