اسلام آباد، 01 جولائی 2025 پبلک پروکیورمنٹ ریگولیٹری اتھارٹی پیپرا ءَ پاکستان ءِ اولی الیکٹرانک ڈسپوزل ماڈیول ءِ پائلٹ فیز ءِ باقاعدہ بندات کتگ کہ اے ملک ءَ سرکاری پروکیورمنٹ ءِ واستہ پیسر ءَ چہ عمل درآمد بوتگیں ای پاک ءِ حصول ءُُ ڈسپوزل سسٹم (ای پیڈز) ءِ چیر دستی ءَ سرکاری اثاثہ آناں بہا کنگ ءِ نظام ءَ را نوک کنگ ءِ نیمگ ءَ مزنیں گامگیج اِنت۔
منیجنگ ڈائریکٹر پیپرا واجہ حسنت احمد قریشی ءَ ای پیڈز پروجیکٹ مینجمنٹ یونٹ (پی ایم یو) اسلام آباد ءَ برجم داشتگیں مراگش ءِ ساھت ءَ اے نظام ءِ بندات کتگ۔
ای ڈسپوزل سسٹم ءِ مول ءُ مراد سرکاری اثاثہ آنی بہا کنگ ءِ عمل ءَ را آسان کنگ ءُ پاکستان ءَ نجکاری ءِ عمل ءَ را کمک کنگ اِنت۔
پاکستان کسٹم ءُُ وفاقی وانگ ءُُ زانگ ءُُ پیشہ وارانہ تربیت ءِ وزارت ءِ گوما اے نظام ءِ پائلٹ فیز بندات کنگ بوتگ کہ ایشی ءِ تہ ءَ یکم جولائی 2025ءَ چہ پلیٹ فارم ءِ لازمی نفاذ بندات کنگ بیت وھدیکہ اے سال ءِ دسمبر ءَ تاں وفاقی حکومت ءِ درستیں ادارگ آنی تہ ءَ ھوار کنگ بیت۔
مراگش ءَ پد ای ڈسپوزل ماڈیول ءِ سر ءَ ماسٹر ٹرینر آنی واستہ سئے روچی تربیتی سیشن ءِ برجائی کنگ بوت، ایشی ءِ تہ ءَ پاکستان کسٹم ءُُ وفاقی وانگ ءُُ زانگ ءُُ پیشہ وارانہ تربیت ءِ وزارت ءِ 26افسر ءُُ کارندہ آں بھر زوری کت کہ دوئیں پائلٹ فیز ءَ ہواریں بنداتی محکمہ اَنت۔
اے موہ ءِ سر ءَ ایم ڈی پیپرا واجہ حسنت احمد قریشی ءَ پی ایم یو ٹیم ءِ کوشست آناں ساڑات ءُُ بھر زوروک آناں زور پر دات کہ آ اے نظام ءَ چہ سرجمیں رنگ ءَ کارمرد بہ کن اَنت ءُُ جوڑیشت ءِ رائے ءَ بہ دنت تانکہ اے نظام ءَ را گڈی سر ءَ عمل کنگ ءَ پیسر گیش گہتر کنگ بہ بیت۔
آئی ءَ اے گپ ءِ سر ءَ ھم زور پر دات کہ پیپرا ءَ مزن وزیر ءِ ڈیجیٹل پاکستان ءِ وژن ءِ چیر دستی ءَ ملک ءَ سرکاری گرگ ءِ نظام ءَ را سوبمندیں رنگ ءَ ڈیجیٹل کتگ۔ ای پی ڈی ایس اے وھد ءَ وفاقی ءُُ صوبائی تک ءَ 8ہزار ءَ چہ گیش خریداری ادارگ آنی تہ ءَ سرگرم اِنت وھدیکہ ایشی ءَ گوں سیادی داروکیں رجسٹرڈ سپلائر آنی کساس 32ہزار ءَ چہ گیش بوتگ۔ رواں مالی سال ءِ ساھت ءَ اے نظام ءِ رد ءَ 748ارب کلدار ءِ زرّ ءِ گرگ سرجم بوتگ وھدیکہ 2602ارب کلدار ءِ منصوبگ آنی سر ءَ عمل درآمد ءِ بھر ءَ اَنت۔
مراگش ءَ پروجیکٹ ڈائریکٹر پی ایم یو واجہ شیخ افضل رضا ءُ سینئر اسپیشلسٹ ٹریننگ ءُ کیپیسیٹی بلڈنگ واجہ عاطق سلطان راجہ ءَ وتی ٹیماں گوں بہر زرتگ
