اسلام آباد۔ 24 نومبر (اے پی پی) وزیرخارجہ مخدوم شاہ محمود قریشی پارینے کہ ڈیہہ ٹی امن و سوگوی و شونداری و شونہالی کن پاکستان و امریکہ تین پہ تینی کمکاری مدام مثبت نتیجہ غاتا حامل مسنے، پاکستان زرگزران ءِ اولیت نا ایجنڈاغا عمل کننگ ءِ۔ داہیت ءِ او امریکہ ٹی ڈیموکریٹک پارٹی نا سینئر راہشون ڈاکٹر آصف محمود تون گپ وتران کرسا پارے ہرا چارشنبے نادے آ وزارت خارجہ ٹی اوڑتون اوڑدہی کرے۔ اوڑدہی ٹی پاک امریکہ تعلقداری، اقتصادی کمکاری نا مون آ دننگ تون اوار تین پہ تینی است خواہی نا امور آ گپ وتران کننگا۔ ڈیہہ ٹی امن و سوگوی و شونداری و شونہالی کن پاکستان و امریکہ نا تین پہ تینی کمکاری مدام مثبت نتیجہ غاتا سوب مسنے۔ شاہ محمود قریشی پارے کہ پاکستان زرگزران ءِ اولیت نا ایجنڈاغا عمل کننگ ءِ۔ اوپارے کہ امریکہ، پاکستان نا غٹ آن بھلا برآمدی منڈی ءِ، امریکی کمپنیک ، 200 ملین آبادی آ تالان پاکستان نا مون آ بروک آ مارکیٹ اٹ زرکاری کرسا گچین ءُ منافع اس کٹیا کننگ کیک۔ وزیرخارجہ پارے کہ پاکستان نا دورہ غا بروک آ ایوان نمائندگان اٹ امور خارجہ کمیٹی نا چیئرمین گریگوری میکس و کانگرس مین ایمی بیراتون مروک آ اوڑدہی بھاز فائدہ ئی ئس۔ پاکستانی نژاد ڈیموکریٹک راہشون ڈاکٹر آصف محمود کابل آن شاری تا رکھ کشنگ اٹ پاکستان نا پبی کمکاری آ وزیرخارجہ مخدوم شاہ محمود قریشی و پاکستانی سرکڑدہ غاتا منت واری ءِ ہرفے۔
