کوئٹہ۔ 24 نومبر (اے پی پی) ضلعی الیکشن کمشنر قلعہ سیف اللہ نا آفس اٹ جوائنٹ پراونشل الیکشن کمشنر(الیکشنز) عبدالقیوم شینواری و جوائنٹ پراونشل الیکشن کمشنر(ایڈمن) طاہر منصور خان نا کماشی ٹی دیوان اس مس ہراٹی مچ آ ضلع نا اے آر اوز، سپروائزرز و تصدیق کنندگان آک بشخ ہلکر۔ دیوان آن تران کرسا اوپارے کہ الیکشن کمیشن گچین کاری لڑتے غلطی تیان پاک و ساف و شفاف کننگ کن ہرممکن گام گیج کننگ ءِ۔ داچرجوئی ٹی 7 نومبر آ ہراُراٹی پک کننگ نا عمل بناکرینے۔ ہرا 6 دسمبر اسکان برجاسلک، اوغٹ آفیسر آتے تاکید کرے کہ محکمہ نادرا تون رابطہ ٹی مریر و غٹ آفیسر آک تینا ضلع غاتے ٹی ہراُراٹی پک کننگ نا عمل نا تینٹ مانیٹرنگ ءِ کیر۔ اوپارے کہ تصدیقی عمل اٹ ووٹرلسٹ ءِ غلطی تیان پاک کننگے تانکہ ساف وشفاف الیکشن اڈ تننگے۔ دیوان اٹ او ضلعی آفیسر آتیان اوفتا دفتری و سیکورٹی نا بابت ویل آتے معلوم کرے و اوفتے ایسر کرفنگ نا باورکرفے۔
