ڈی جی نیب نا پن آ الس کرپشن کیس آتا دوبہ دار بشمول سرکاری آفیسر آتے جعلی فون کالز آ کارروائی نا بنا، نیب انا انٹیلی جنس ونگ اوار پڑک نا پدرند ءِ خلنگ کن لائحہ عمل اسے آ کاریم نا بناءِ کرے، ترجمان نیب بلوچستان

کوئٹہ۔ 24 نومبر (اے پی پی) ڈی جی نیب نا پن ءِ کاریم اٹ اتسا الس کرپشن کیس آتا دوبہ دار بشمول سرکاری آفیسر آتے جعلی فون کال کروک آتا برخلاف کارروائی نا بناءِ کننگا، نیب انا انٹیلی جنس ونگ اوار پڑک نا پدرند ءِ خلنگ کن لائحہ عمل اسے آ کاریم نا بناءِ کرینے۔ ترجمان نیب بلوچستان نا رداٹ تعلقدار ادارہ غاتون اوار جعلی کال آتا ڈیٹاءِ شیئر کننگانے، جعلی فون کال کروک آ بندغ ءِ اسہ ہم معلومداری اس تننگپ۔ ترجمان نا رداٹ نیب انا پن ءِ کاریم اٹ اتوک آ جعلی کال تے آفیشل تکنگپ، چیئرمین نیب جسٹس جاوید اقبال نا پارت نا رداٹ نیب انا کیس آتے ٹی اسہ آفیسر اس ہم جندی وڑاٹ دوبہ دار یا بندغ آتون رابطہ کننگ نا مجاز اف۔ الس جعلساز زموار آتا کال آتا بابت نیب آفس ءِ دمدستی معلومدار کے، کانودی وڑوڈول انا رداٹ دوبہ دارآتے فون آخا سرکاری مراسلہ اس گدریفنگک۔ نیب تینا انٹیلی جنس ءِ ہم متحرک کننگ تون اوار اوار تعلقدار ادارہ غاتے ہم کارروائی کننگ نا پارینے۔