اسلام آباد۔ 24 نومبر (اے پی پی) اینخو مالی سال انا اولیکو چار تُواٹی امریکہ نا کنڈآن پاکستان اٹی کروک آ براہ راست درملکی زرکاری (ایف ڈی آئی) ٹی 312 درسد ودکی مسنے۔ اسٹیٹ بینک آف پاکستان (ایس بی پی) نا رپورٹ نا رداٹ تدوک آ مالی سال انا اولیکو چار تُو اٹی جولائی آن اکتوبر 2020اٹی امریکہ نا کنڈآن پاکستان اٹی 27.7 ملین ڈالر نا ایف ڈی آئی کننگاسس وخت اس کہ برجامالی سال اٹی جولائی آن اکتوبر 2021اٹی پاکستان اٹ کروک آ براہ راست امریکی زرکاری نا کچ 114.3 ملین ڈالر اسکان ودا۔ ہنداوڑ تدوک آ مالی سال انا مقابلہ ٹی اینخو مالی سال انا بنائی چار تُو اٹی پاکستان اٹ کروک آ امریکہ نا ایف ڈی آئی ٹی 86.6 ملین ڈالر یعنی 312 درسد نا نمان ودکی ریکارڈ کننگانے۔
