راولپنڈی۔ 24 نومبر (اے پی پی) چیف آف آرمی اسٹاف جنرل قمر جاوید باجوہ تون فارن کامن ویلتھ اینڈ ڈویلپمنٹ آفس نا ڈائریکٹر اوغانستان، پاکستان و ایران و برطانیہ نا خصوصی نمائندہ اوغانستان و پاکستان نائجل کیسی داڑے جی ایچ کیو ٹی اوڑدہی کرے۔ اوڑدہی ٹی تین پہ تینی است خواہی نا امور، اوغانستان نا ساڑی آ پیش رفت اتون اوار علاقائی سلامتی نا حالیت آتیا گپ وتران کننگا۔ پاک فوج انا شعبہ تعلقات عامہ نا رداٹ آرمی چیف پارے کہ پاکستان جہانی و علاقائی باندات آتے ٹی برطانیہ نا کڑد ءِ قدر انا نظر اٹ ہرک و نن تینا ہڑتوم آ کنڈآتا تعلقداری تے ودفنگ نا خواہندار اُن۔ اواوغانستان اٹی انسانی تنکی آن بچنگ و اوغان الس نا زرگزرانی شونداری کن مربوط کوشست آتے کن اوغانستان آ جہانی سیوت نا گرج انا ہم درشانی ءِ کرے۔ اواسہ وار ولدا زور شاغا کہ اوغانستان اٹ امن نا مطلب پاکستان اٹ امن ءِ۔ شرفمند آ مہمان اوغان حالیت آتے ٹی پاکستان نا کڑد، بارڈر مینجمنٹ کن خصوصی کوشست، علاقائی سوگوی ٹی کڑد انا ستاءِِ کرے و پاکستان تون ہرکہول آ سفارتی کمکاری ءِ پین گچین کننگ کن تینا کڑد انا عزم ءِ ظاہر کرے۔
