اسلام آباد۔ 23 (اے پی پی) خیبرپختونخوا ٹی 847 میگاواٹ نا سکھی کناری پن بجلی ڈٹ آ ترندی اٹ کاریم برجاءِ۔ سی پیک اتھارٹی نا کمامدارآتا رداٹ 1.963 ارب ڈالر نا زرکاری آن دریائے کنہار آ تفوک آ دا ڈٹ آن چار ہزار 250 ملازمت ودی مریک۔ بجلی نا نہاد اٹی کمتی اتنگ حکومت نا اولیت آتے ٹی اوار ءِ۔ سی پیک نا ڈٹ سکھی کناری آ پن بجلی گھر نا تفنگ نا کاریم دے و نن برجاءِ۔ ڈٹ انا جوانی اٹ پوروی کن چینی معمار پبی خواری کننگ ءُ ۔ سکھی کناری پن بجلی گھر ڈٹ آ کاریم اٹ دین انا توننگ و کنٹرول کن سخت گام گیج کننگانے۔ سکھی کناری پن بجلی گھر نا تفنگ ءِ 2022نا ایسر اسکان پورو ی ءِ سرکروئی ءِ۔ داپن بجلی گھر نا پوروی پاکستان نا صنعتی شونداری و زرگزرانی بحالی نا مون آ دننگ اٹ اہم ءُ کڑد اس ادا کیک۔ سکھی کناری ہائیڈرو پاور پروجیکٹ ءِ سی پیک نا رداٹ ارلی ہارویسٹ پروجیکٹ آتا وڑاٹ تفنگ انگ ءِ و اودے بلڈ اون آپریٹ ٹرانسفر ماڈل نا رداٹ تیار کننگ انگ ءِ۔
