اسلام آباد۔ 23 نومبر (اے پی پی) نیشنل کمانڈ اینڈ آپریشن سینٹر (این سی اوسی ) ٹی دیوان اس اڈتننگا ہراٹی دینی مرض انا چارٹ انا حساب وکتاب، کورونا ویکسین نا حکمت عملی و ناجوڑی تا تالانی آ گپ وتران کننگا۔ این سی او سی نا دیوان نا کماشی ءِ بنجائی وزیر ڈٹ بندی، شونداری و خصوصی گام گیج اسدعمر کرے۔ فورم ءِ کورونا نا مثبت کچ و ناجوڑی تا تالانی نا بارواٹ حوال تننگا۔ فورم جم حالیت آتیا است جمی نا درشانی ءِ کرے۔ فورم ءِ پاننگاکہ تدوک آ 24 گھنٹہ ٹی کوویڈ۔ 19 نا سوب آن پوسکن آ کیس و مرک آتا کم کچ و کورونا دین نا پوسکن آ کیس آتا کچ اٹ ہم کمتی بسنے۔ صوبہ غاتیان خواست کننگاکہ او ویکسین نا بست وبند نا عمل ءِ ودفر تانکہ ویکسی نیشن نا ہدف آتے وخت آ دوئی کننگ مرے۔
