اسلام آباد۔ 23 نومبر (اے پی پی) بنجائی وزیر حوالکاری و شینکاری چوہدری فواد حسین پارینے کہ ورناک پاکستان نا آخبت ءُ، ورناتے واکدار کننگ و ہندی و جہانی منڈی تیٹی افرادی قوت نا بشخ اس جوڑ کننگ کن چندی کسب ہیل تننگ کن گام گیج کننگ انگ ءِ۔ داہیت ءِ او پاکستان تحریک انصاف یوتھ ونگ تحصیل ڈسکہ نا صدر افنان علی ساہی تون اوڑدہی ٹی گپ و تران کرسا پارے۔ بنجائی وزیر حوالکاری پارے کہ وزیراعظم نا سرسہب ورناپروگرام ورناکاروباری بندغ آتے وام و مہارت آ مبنی تربیت نا فراوانی کن نمان کڑد ادا کننگ ءِ۔ اوپارے کہ راج انا پسماندہ تپہ غاتا کمک و ملک ءِ شونہال کننگ کن ورناتا کڑد المی ءِ۔ داوخت آ پی ٹی آئی یوتھ ونگ تحصیل ڈسکہ نا صدر ورناتے واکدار کننگ و اوفتے مالی وام و کسب نا شونداری ناوارخواہی فراوان کننگ کن حکومت نا گام گیج آتا ستاءِ کرے۔ افنان علی ساہی بنجائی وزیر حوالکاری ءِ پی ٹی آئی یوتھ ونگ ڈسکہ نا کنونشن اٹ بشخ ہلنگ نا سلہ خلک ہرادے او امنا کرے۔
