اسلام آباد۔ 23 نومبر (اے پی پی) چاگڑدی بدلی تاسوب آن پاکستان ءِ سالانہ 3.8 ارب ڈالر نا نسخان مننگ ءِ۔ جہانی بینک و ایشیائی شونداری بینک انا رپورٹ آتا رداٹ سال 2000آن 2019 اٹی چاگڑدی بدلی آن زہمی ملک آتے ٹی پاکستان نا ہشت می نمبر آ مسنے و داسوب آن ملک ءِ سالانہ 3.8 ارب ڈالر نا نسخان نا مون تروک ءِ۔ رپورٹ آتا رداٹ چاگڑدی بدلی آن پاکستان اٹ کشاری پیدوار اٹی کمتی، آبی وسیلہ گاتا دوئی و کرکی علاقہ غاتے ٹی چندی ویل مون تروک ءِ۔ جہانی ادارہ غاک پارینو کہ چاگڑدی وموسمیاتی بدلی تا بابت سہی حساب وکتاب اسکان گچین رسینگ آن نسخان آتے ٹی کمتی اتنگ مریک۔ دابابت کاروباری و صنعتی ادارہ غاتے مرے کہ ملک و زرگزران آ موسمیاتی تغیرات آتا اثرآتے ٹی کمتی کن تینا کڑد ءِ ادا کیر تانکہ زیات آن زیات سہی معلومداری تے مون آ تخسا رکھی گام گیج آتیا عمل کرسا چاگڑدی و موسمیاتی و زرگزران نسخان تے کم آن کم کننگ مرے۔
