گیر ملکی کاروباری ادارگ پاکستان ءِ کاروبار دوستیں پالیشی ءَ چہ سیت  چست بکن انت، صدر مملکت ڈاکٹر عارف علوی ءِ جاپان، ناروے ، پولینڈ ءُ کمبوڈیا ءِ نامینتگیں سفیر ءَ گوں تران ءِ ساھت ءَ ھیال آنی درشانی

اسلام آباد۔22نومبر  (اے پی پی):صدر مملکت ڈاکٹر عارف علوی  ءَ  گیر ملکی کاروباری ادارگ آنی سر ءَ پاکستان ءِ کاروبار دوستیں پالیشی ءَ چہ سیت چست کنگ ءِ  سر ءَ زور پر دات ءُ گوشت کہ کشت ءُ کشار، آئی  ٹی،  ٹیلی کمیونکیشن ، ھاٹیگ  ءُ سیل ءُ سواد  ءَ ھوار جتا جتائیں شوبگ آنی تہءَ  سرمایہ کاری ءِ بے کساس موہ است انت، نامینتگیں سفیر وتی ملک آنی کاروباری  ادارگ  آناں سرمایہ کاری ءِ واستہ پاکستان وڑیں جوانیں  منزل ءِ نیمگ ءَ دلگوش  بکن انت۔ اے ھیالانی درشانی آءی ءَ  جاپان، ناروے،  پولینڈ ءُ کمبوڈیا ءِ نامینتگیں سفیر  آں گوں تران کنان ءَ کت۔