اسلام آباد۔ 22 نومبر (اے پی پی) چیئرمین سینیٹ محمد صادق سنجرانی بھارت نا غیر کانودی کوزہ گیری ٹی جموں و کشمیر اٹی بھارتی فوج انا ساڑی آ است ہسون کارروائی تیا گڑتی نا درشانی ءِ کرسا پارینے کہ مقبوضہ دامان اٹ جعلی پولیس مقابلہ غاتے ٹی کشمیری ورناتے شہید کننگ انگ ءِ، پاکستانی قوم و حکومت تینا کشمیری ایلم تتون سلوک ءُ۔ سینیٹ سیکرٹریٹ میڈیا ڈائریکٹوریٹ نا کنڈآن دوشنبے نادے آ داڑے جاری بیان نا رداٹ داخیال آتا درشانی ءِ او وزیراعظم آزاد کشمیر سردار عبدالقیوم نیازی تون اوڑدہی ٹی گپ وتران کرسا کرے ہراچیئرمین سینیٹ محمد صادق سنجرانی تون پارلیمنٹ ہاؤس اٹ اوڑدہی کرے۔ اوڑدہی ٹی تین پہ تینی است خواہی ناامور آ گپ وتران کننگا۔ چیئرمین سینیٹ بھارتی مقبوضہ کشمیر اٹی بھارتی فوج انا ساڑی آ است ہسون کارروائی تیا گڑتی نا درشانی ءِ کرے۔ اوپارے کہ مقبوضہ دامان اٹ جعلی پولیس مقابلہ غاتے ٹی کشمیری ورناتے شہید کننگ انگ ءِ۔ چیئرمین سینیٹ پارے کہ کشمیری ورناتے شہید کننگ آن پد اوفتا میت آتے اوفتا وارث آتے تفننگ بنداوی انسانی حق انا بھلا خلاف ورزی ءِ۔ اوپارے کہ پاکستانی قوم و حکومت تینا کشمیری ایلم تتون سلوک ءُ۔ اوڑدہی ٹی آزاد جموں و کشمیر اٹی سیل و سوات نا مون آ دننگ و صنعتی شونداری نا بابت امور آہم گپ وتران کننگا۔ چیئرمین سینیٹ آزاد کشمیر اٹ سیل و سوات و ہائیڈروپاور پروجیکٹ آتا مون آ دننگ کن آزاد کشمیر حکومت ءِ پورو کمکاری نا باور کرفے۔ محمد صادق سنجرانی لائف آف کنٹرول (ایل او سی) آ رہینگوک آ مخلوق ءِ زند انا بنداوی آسراتی فراوان کننگ ءِ پک کننگ نا گرج آ زور شاغا۔ وزیراعظم آزاد کشمیر پارے کہ آزاد جموں و کشمیر اٹ پی ٹی آئی نا کماشی ٹی حکومت وزیراعظم پاکستان عمران خان نا ویژن نا رداٹ ریاست اٹ شونداری و شونداری نا پوسکن آ دور انا بناءِ کرینے۔
